CHERRY CUP SKOPJE еден сосема необичен и несекојдневен tennis 10s и 14&U турнир. Единствена приказна т, спортот, љубовта, посветеноста, истрајноста и борбата да на децата им ја задржиме насмевката на лицето во секој момент, да им овозможиме да играат, учат, да се натпреваруваат и напредуваат. Да останат деца и да имаат можност да ја споделат сета мудрост што ја носат во себе, неоптеретени од форма, стереотипи и очекувања. Од ден на ден да стануваат се подобри во она што го прават од се срце, она што го прават со огромна љубов и она за што сонуваат. Да бидат играчи, но пред се луѓе од врвна класа , заради себе, заради своите најблиски, заради својот народ, град и земја. Да им овозможиме да бидат горди на себе и своето тениско достигнување и да се радуваат кога сето тоа ќе го споделат со своите најблиски и со светот околу себе.
Единствена приказна и за Скопје, градот кој секогаш знаел да ја цени детската насмевка. Град кој е симбол за издигнување од пепел, симбол за светската солидарност и модерни трендови на живеење. Поставен на реката Вардар, опкружен со прекрасни планини, спој на многу патишта низ историјата, место каде многу народи со векови знаат и учат да живеат заедно, едни со други , едни покрај други. Град со препознатлив дух и ритам на живеење кој мора да се осети.

ЗАЕДНО, ЗА ДОБРО НА ДЕЦАТА

Со својот посветен однос кон вистинските животни вредности, однос кон спортот, однос кон убавината на животот и радоста на живеењето, како и желбата несебично да го сподели тоа со сите нас, Г-дин Лазар Заковски е човекот кој овозможува CHERRY CUP SKOPJE 2019 да блесне во полн сјај, да биде организиран на најдобар можен начин и биде настан кој ќе остави трага во животот, пред се на децата, а и на сите нас.